今日路過旺角中心，諗起一段往事。之後食飯同朋友講起，我細過到中學生時代，真係好不知所謂，話說中學年代，一日鼓起勇氣，入左旺角中心行左個圈。以下是和朋友阿水的對話：
馬老板：好驚呀！
阿水：驚咩呀？
馬老板：剛剛行完旺角中心
阿水：咁都唔知你驚咩喎？
馬老板：個商場好多女仔，成個商場都係賣女仔嘢，好唔自在呀！發誓以後一個人唔入去呀！
全枱人同一時間噴飯，笑聲大到要俾間餐廳列我地做黑名單！佢地笑完仲要話我作大，係到搞氣氛！大佬，真珠都冇咁真呀！
細個時的馬老板係和尚寺讀書，真係冇機會接觸女仔，同女仔講嘢會口震震。讀大學又係全男班咁，邊有機會識女仔，係出來做嘢之後好左少少。
所以，雖然我五音不全，但係去到唱K，都一定唱高難度之作“浮誇”！
skip to main |
skip to sidebar
中小企小老板 --- 每日在伙計,客戶間努力求存!
8 則留言:
馬老板：
哈，原來香港仲有兩個我。（真架！）
我的大學女同學用男性地獄形容旺中，我既感覺係好悶 !!!
不過, 而家人過三十, 又會用第二種心態去睇(唔係有色眼光). 同埋可能自己做緊生意, 都會留意下D靚妹仔鍾意D咩
um...旺中d野係平就平$38一條牛仔短褲，我細個個時都成日去，但近幾年發展迅速，我幾個月前去過一次都已經嚇親…
無他，平店係多，但人更多，仲迫過羅湖東門，所以…都係少去為妙！
但如果有身材著咩都靚既女仔又或者想買平野既，ok架！係迫d囉！
哈, 郡主你好, 別來無樣呀?
看來, 旺中都有好多人識個時的足跡.
不過, 我以前識一些住香港島的朋友, 佢地講到明, 唔會行旺角的商場, 因為覺得好Cheap.
我認為, cheap唔cheap, 睇自己的. 唔通你行女人街會真係變cheap. 我就鍾意周圍行下, 感受下唔通地方和環境的感覺
旺中，的確係幾得人驚架。
老闆，我生活ok呀！多謝關心，不過間唔中行下都好架！成日就唔洗喇！嘻嘻！
Re.: xiao zhu
hehe.. 我仲驚得我一個咁諗tim.
Re.: 郡主
保持聯絡. :)
發佈留言