三”唔”政策

今日同個差唔多年紀的朋友食飯，佢做人和做生意十分圓滑。我請教下佢有什麼心得，佢同我講最重要係一個三”唔”政策。

唔該
同什麼人都要講唔該，同個客要講、同秘書姐姐要講、甚至同清潔阿嬸都要講，禮多人不怪。

唔好意思
凡事認低威，無論大錯、小錯、無錯、甚至唔係你錯，總之講多幾句唔好意思，包你無錯。

唔緊要
肯蝕底、肯原諒人，發生什麼事都講唔緊要，有事慢慢講。

真係一言驚醒夢中人，大家做生意為什麼先？做係求財的，對吧？有問題坐低慢慢講，大事化小，小事化無！最終目的係求財，唔係求氣！