5個人清潔100間房?

有留意澳門消息的，都知道威尼斯人酒店爆到七彩，下午Check in要等到晚上11時。惡性循環之下，客人見遲左Check in，點到住番夠本，有咁遲，得咁遲Check out。

我覺得咁大規模的項目，一開頭有混亂在所難免。當年我地個新機場，一開場已經日日上報紙頭版，唔係做手續要等幾個鐘；就係顯示屏出唔到資料。但一年後，已經得獎無數。任何項目一開頭都會有個磨合期，這樣，便要睇管理層的功力，如何轉危為機。

5個人清潔100間書房？聽落都覺得有問題，雖然我唔係酒店界，但係得５個人做１００間房？唔會晚上１１時Check in，而係無可能Check in。希望磨合期儘快完結，因為都諗住１０月中去住番一晚。

從酒店人手比例，可以了解到每個行業都有一些叫做黃金比例，幾多人，做幾多產品，跑幾多數，完全有個估計。管理層永遠想少少人，做多多事；員工永遠想多些同事，分担下工作量都好。管理層如何在兩者中取得平衡，便是一個大學問了。公司要在最少成本下，取得最高回報，又唔可以做死班伙計。