一陣間我會去探病，我朋友今年四十三歲，無端端中風，而家正慢慢地康復中。
他平日都生活好健康，唔食煙、唔飲酒，得閒做下GYM、打下Golf，做銀行中高層，簡直係模範的生活和工作。同佢閒談間，先知道佢屋企好多人有這個病，佢都不能幸免。
近年體重和年齡都不停上升，近一年，都開始做多一些運動，每個星期都會跑１～２次步，做多些有氣運動。我雖然係蔡澖係信徒───“膽固醇萬歲”，為咗美食，會不惜勞苦、唔理那些什麼指數、什麼不飽和脂肪酸．．．．等等。但係為咗６０歲都可以日日精精神神，唔好要用紙尿片，都係要注意飲食，做多一些運動。
不過，如果有好嘢食，都係個句： 膽固醇萬歲！！！
skip to main |
skip to sidebar
中小企小老板 --- 每日在伙計,客戶間努力求存!
9 則留言:
膽固醇萬歲！！！
我都係信徒, 前一年仲超左標. 而家都仲係信徒, 不過每朝都整碗麥皮, 又食多 d 水果, 膽固醇含量 back to normal 了
以前都聽個麥皮好有用, 但係真係唔鐘意食. :)
我都唔鐘意食麥皮呢,不過我會食多纖維的食物如麥包呢D就OK呢~~
麥片心得一二：
1.麥皮不能買即沖即溶那款，功效不高
2. 應該買需煮那種，纖維較豐富 (貴格麥片的話...買藍色罐那款)
3. 小弟不喜歡甜的東西做早餐，麥片又一貫是甜吃的，做了個實驗效果不錯，可以試試
去吉之島買些味噌醬混入麥片中調味，麥片本身是無味的，咸吃也可
不懂份量可以買些「一人前」份量包裝的味噌湯(麵鼓湯)，佐以魚乾或木魚絲，再加些芝麻或海苔，可以當吃粥般吃。
濃淡份量就恕難明述，每人口味有異，但pack 好的東西不會點出事吧，乾手淨腳也很適合不擅下廚的人
我現在會每星期做1~2次有氧運動, 希望退休時可以有健康的身體享受人生
馬老闆，我以前都唔食麥皮架！仲聞到想嘔個種。但去到某一種情況會對自己有益，幾難食既野會自然會放入口…
不過我d唔識食既就好簡單…都係買貴格，但就係紅色個隻(唔識分咩色有咩好)一大包都係20蚊到，平時就咁溝熱水(豐富d就用高鈣低脂奶沖)
郡主千金之軀, 要小心身體呀.
我而家去探病先, 拜拜!
幫我俾d祝福你朋友啦！thx~~~
郡主, 我朋友聽日出月, 有心有心.
不過, 出月後都要慢慢調理身體, 我介紹左個中醫俾佢, 希望有用
發佈留言