我通常每日會８時左右番到公司，同事通常９時左右返到，有一個同事常常９點半先到．老實講，只要你做到嘢，我真係唔需要你日日準時９時前到，但如果日日都遲半粒鐘，對公司的紀律和同事有好大影響
終於捉左佢有來講２句，佢話佢以前份份工都遲到，都無老細講．大佬，無人講唔代表你做到對，只不過每間公司的情況唔同，我覺得，一個同事遲到，會影響其他同事，到最終公司的紀律會有影響．
過咗２個月後，個同事都係無改善，最後通告，都係有善的分手，佢本身能力又唔係冇人代到，自己又唔醒目．希望佢下一份工會好D哪
好多人會覺得我過份注重守時問題，但我覺得守時是工作最基本的要求，希望搵到新同事可以達標哪
skip to main |
skip to sidebar
中小企小老板 --- 每日在伙計,客戶間努力求存!
11 則留言:
有好多伙記會私下反問一句
準時返工，但係咪可以準時走先？
若果成日要OT 日頭又要準時，又真係幾難既
以前小弟份工就是八點收工，八點半點食飯，九點半搭車返屋企九個字至一小時
返到屋企沖個涼已經11-12點，若果當日公司太多野煩，唔係話訓就訓得著
一兩點訓得著，次日要7點幾起身8點出門口會幾累下，所以理論上係9:30開工，但只要10:30前現身，老細都唔會嘈
純粹後生仔角度睇件事，希望馬老闆唔好介意啦
我都明白, 但係真係要做Uncle一次, 守時真係現代的求職者一個大問題.
通常都會有一個星期honey moon. 跟著就打回原形
唔知係唔係老闆同員工諗法唔同, 作為一個中層主管, 我唔係好介意下屬返工遲到, 因為佢地都唔會準時收工啦.
當然大前題係要做得晒d野, 同埋如果要開早會, 唔好遲到.
講開又講, 不如馬老闆你分享下d創業經驗吖. 我都想創業, 但成日覺得香港地創業同幫業主打工無咩分別, 同埋都唔知做乜生意好. 始終本唔多, 蝕唔起...
我D小生意, 都無什麼經驗可言, 總括來說, 我試個3種生意, 一盤因為性格和做法不適合自己已結束了. 一盤因為沙士問題而没左了(冇左好多$$$呀). 現在這一盤生意做左10年, 都算有少少心得哪. 之前2盤都係第2個生意, 想將自己的事業版圖擴散. 希望下次成功哪.
有機會再講.
馬老闆:
我有另一個看法:-
1. 如果係sales & marketing, 有些公司接受到員工遲到----只要交到數就得, 但係若然公司要開會, 就要準時。
2. "準時返工", 在HR和employment contract而言, 係一條"默示條款": 即係話雖然contract無寫明要員工準時返工, 但多數公司有寫明員工的返工時間, 所以員工原則上要準時返工。
3. 若然個員工把遲到變成一個慣例(habit), 作為top management, 其實要留意(可能成為公司的"計時炸彈"), 甚至作出警告, 切記切記。
但係我作為一個員工，反而覺得係一個自我紀律既問題，老闆俾你遲10分鐘唔等於遲到係正確 !
做Sales的話, 遲小小當然冇大問題哪, 我講個D主要係做operation的同事
好有同感!
如果公司唔對遲到既伙記施以小小懲罰, 其他準時返工既伙記就自然會冇咁準時, 而且 peer pressure 亦會使到其他同事「蓄意」遲到。
小弟以前既公司試過有朝最經典, 九點九都仲係一個死城。
到果下至醒覺到, 雖則話係中小企, 咁樣管理, 係唔得架!
暫時總算9點3會齊人, 如果過咗時, 我在例會便會出聲!
It's the best time to make a few plans for the future and it's time to be happу.
I have learn this ρublish and if I may just I want to
гecommend you few intereѕting things or аԁviсе.
Perhaps you cοulԁ write ѕubѕеquent articles referrіng tο this
article. I want to learn more іssues аpρroхimatеlу
іt!
Also visit my ωeb blog - payday loans
發佈留言