在香港，人人都會話自己忙，忙工作、忙追女仔、忙讀書，真係咁忙嗎？
今日聽了一個講座，講者將忙定了一個很有意義的解釋。忙字是由樹心邊加死亡的亡字，“忙───心死也”，一個人如果常常話自己很忙，每日忙住一些没有意義的事情，每日到了最後，只帶一個很倦的身體回家，行屍走肉！這樣有意義嗎？
今日，同一個勁人談話，佢的生意十分成功，公職多到一籮籮，這個集會已經係今日第５個會議了！佢仲話，一D都唔忙，好開心，覺得生活好有意義！
我們每日都有很多公事和私事會佔據了自己很多時間，但我常常反思和自問，很多時候真係無事忙。在公司做下東、做下西，已經中午了，食埋飯、做下嘢，已經下午４～５點了！整天的時間便没有了。
我希望定下原則，每天放工前，call多一隻客、做多一樣對公司好的事情，比別人和同行做多一步，已經很好了。
skip to main |
skip to sidebar
中小企小老板 --- 每日在伙計,客戶間努力求存!
10 則留言:
加油！每日做多少少，積沙成塔！
忙之餘又要有Time Management至得o架, 馬老板!
所以要捉緊分秒, 唔好口裡不斷說忙。
我常常覺得, 一定唔可以話自己忙, 劉德華夠忙, 佢都係保持最佳狀態
Steven Covey 成日話time management 唔係你塞到幾多野落去，而係*最重要*果幾舊野你有無放到落去，然後可以free 到幾多時間俾自己、朋友及家人
佢果門理論又係知易行難呢...
劉德華都係收八點幾咋
佢有乙肝不能太搏
雖然d人話應該襯後生就辛苦d，但我都覺得唔好太搏喇！可能我係女仔啦！不過，事實上，人應該好好享受人生，工作時工作/遊戲，遊戲時都係遊戲。
睇於馬老闆一篇關於忙的文章, 有以下睇法.
好多人話自己忙, 都係想表現到自己好有事業心, 上進心. 尤其是我做果行就最多人係咁. 晚晚做到三更半夜, 無時間食飯.
係, 我地果行係要 serve 好多客, 客好多 requests 都係又要快, 又要正. 但係如果一年 365 日都係咁, 可能你都要 review 一下.
長時間都忙到 pk, 原因得三個.
1. 你真係手腳慢, 轉數唔夠快. 咁快 d 轉行啦, 再做都無前途.
2. 你 time management 唔好, 又或唔識 set 客的 expectation. 咁就快 d 買番 d 相關的書睇下啦.
3. 你真係 overload. 但如果你 overload 左成年都唔同老闆講, 咁即係你 stupid. 如果講完都 solve 唔到, 咁就好揾過份工啦.
所以忙, 係唔應該長時間出現的.
諗起兩個比喻.
1. 做人就好似同時間拋緊五個波, 佢地分別係家人, 愛人, 朋友, 健康同事業. 頭四個都係玻璃波, 一跌落地就會碎晒. 第五個係膠波, 跌左落地都會 bounce back.
2. 做我果行 d 客成日都要又快又靚又平. 有個同事就張快, 靚, 平呢三個字貼左門口, 下面寫著 "You can only choose two."
m30兄, 你最後的2個比喻雖然聽過, 但係重聽, 都係一樣有道理!
Ps.: 今日好多同事出左去做嘢, 真係搞到一頭煙.
睇完這篇也令我諗起一側故事, 挺有意思.
有兩個樵夫, 同樣努力工作, 可是一個得的木材比另一個多很多. 有人好奇的去看看是什麼原因, 發現收獲少的比收獲多的反而更早出晚歸. 最後發現因為多收獲的樵夫工作兩天後在第三天在磨斧頭, 而另一個只懂一直用一把鈍的斧頭死劈. 寓意我們辛勤工作之同時, 也要適時plan一plan, 才繼續衝.
亞芬, 比喻得好好呀. 我們常常埋頭苦幹, 但係如果可以好好利用工具或用一些更有效率的方法完成任務, 真係可以事半功倍
現代人已經好好哪, 古時要用算盤做數咪仲大件事.
工具的發明絕對可以幫助我地呀
發佈留言