今朝睇生果日報, 講人人都想做荷官, 未畢業中學生想做, 冇學歷師奶想做. 我想起之前我朋友Nelson的一段說話.
Nelson係澳門人, 做電訊業, 係高級經理的級數, 因為工作關係, 個個星期都會來香港工作1~2日, 有時都會同佢食午飯.
佢話而家澳門真係比賭場抽走晒D人材, 就算佢地做電訊, 賭場的收入起碼多3~4千蚊, 所以個個月都有員工走. 佢覺得澳門的賭業有些似香港當年的科網頁, 終有出事的一天.
好多澳門的中學生走左去做荷官, 人工有成1萬4千蚊左右, 比起平均中學生收入多左成一倍, 好多叻仔叻女走左去做荷官, 攪到其他行業有晒人材. 幾年後, 澳門其他行業仲唔出現斷層? 到時真係唔知點算.
同埋如果你正正經經搵份工, 到你有一定的經驗, 人工都會水漲船高. 但係做荷官, 升職的路真係好似金字塔咁, 賭場絕大部份的職位都係荷官, 真係幾時先升到做經理或高級荷官呀?
到班中學生做得幾年, 黃金學習期已過, 都只係練得一雙金睛風眼和無敵快手, 到賭場真係飽滿而俾人炒, 佢地可以做什麼呢?
一個地區如果經濟過份集中一個行業, 好容易出事. Las Vegas經過多年的演變, 集旅遊、賭博和會議於一身. 澳門好明顯係走這一條路, 希望澳門成功哪訊elson
skip to main |
skip to sidebar
中小企小老板 --- 每日在伙計,客戶間努力求存!
10 則留言:
「冰封三尺，非一日之寒」，澳門回歸七年只著重賭業發展，忽略整體經濟。發展失衡，做成貧富懸殊加劇，五‧一爆發的示威衝突，抽水哥的一鎗，正好敲響各界對澳門經濟問題的警鐘。
可惜澳門政府未能吸取教訓，或覆水難收，澳門賭業還以幾何級數擴張。零三年，澳門賭檯只有四百餘張；到零六年底已達二千七百多張，是零三年的六‧五倍。預計未來幾年賭檯數目還會高速增長，或高達五千張。看來貧富差距，只會隨著賭業一枝獨秀而飈升，繼續深化。
澳門賭業的主要顧客來源是中國大陸。隨著大陸經濟起飛，大量大陸豪客來澳盡情消費，當中賭業當然是最大得益者。花無百日紅，當大陸經濟轉向，大陸遊客來澳消費減少的時候，賭場供過於求，汰弱留強。賭場被迫裁決結業，多出來的勞動力政府會什樣安置?又是澳門政府一個將要面對的頭痛問題。
其實好多時都會出現一窩射投入熱門行業既情況，見到澳門賭業興旺，但其他經營者就因為勞工短缺及物價上升而艱苦經營，真擔心傳統食店會做不住，很愛澳門的食物呢 !
資料補充:
忽然記得, 我個朋友話這1~2澳門多左好多人買車. 原因係樓就一定買唔起, 唯有買架車, 讓自己開心一下
Re.: 檸檸啡
我都好鍾意食澳門食物喎, 以下是我的至愛:
坤記 --- 係一個食葡國菜的好地方，我有一個好朋友講過：（茶餐廳價錢，食到葡國菜，一流！）
雅馨緬甸餐廳 --- 食魚湯河，棷汁雞，豬雜，好好食
隱世豆腐花（榮記豆腐，澳門果瀾街４７號地下）
瑪嘉烈食葡撻
黃枝記－－－生食魚片（配生油，荵，生抽）
誠昌飯店食豉汁蒸大鱔，蟹粥，一流！之後仲後出面食埋大菜糕．
九如坊食木糠布甸，環境一流，必食推介
有冇好介紹呀? 我計劃左十月去住威尼斯人酒店, 到時又會食餐飽.
今日睇新聞，威尼斯好似幾正，攪到小弟都心郁郁想去住番晚。見馬老板plan o左十月去，小弟就等馬老板o既現場報告，再作決定。
我都想去威尼斯呀,因為聽廣告話呢間休閒式酒店好多野玩呢~~小妹喜歡SPA同食野,想起都流口水啊~~呵呵~~
我去過Las Vegas果間, 環境真係一流, 澳門這間大美國間三成. 應該都可以一試
威尼斯雖然真係好大(我去過佢個地盤)但我真係冇乜興趣. 賭我唔啱, shopping 又唔係我杯茶, spa 又貴, 我不如去 bangkok 好過.
哈哈, 我又Ok喎, 不過澳門的賭博氣氛太重, Vegas的感覺輕鬆好多, 我仲可以同個荷官有講有笑, 仲影埋相tim.
Vegas威尼斯人整體上會比較似係一個渡假的地方, 希望澳門威尼斯人可以做到差唔多效果哪
出年馬戲團開理, 仲多嘢玩呀
發佈留言