男人的玩具

前日，同班朋友仔出來吹水，有２條友快快趣攞咗部PSP出來對打，十問九唔應．好似部PSP好重要咁．先後問番，原來話有一關很難過，所以過埋佢先停．

好多時，每一個男人都有佢的玩具，細個時可能係玩具車，大個咗可能係真車、Hifi、紅酒，有錢佬可能係Golf，遊艇，飛機．．．．等等．所以，D人話男人大唔透，又真係幾真．

我細個時都好鍾意打機，可以打到朝頭早５時都得，但係而家人大咗，要小心選擇自己的玩具，一日得２４小時，如果你用咗３個鍾來打機，咁仲有幾多時間呢？

呢幾年鍾意咗飲紅酒同Golf，覺得可以深入研究和幾有趣，有本漫畫叫做神之水滴，真係有幾多紅酒知識嫁，同埋又可以同人Social時吹水．你話，在Business Dinner時，同人講紅酒好，定係同人講點樣在PSP隻game過關好．